Árni Már sigraði í ljósmyndasamkeppni ÓL-fara
Sundmaðurinn Árni Már Árnason úr ÍRB sigraði í ljósmyndasamkeppni Ólympíufaranna, sem ÍSÍ og Nýherji stóðu að meðal íslensku keppendanna á Ól í
Íþrótta- og Ólympíusamband Íslands (ÍSÍ) opnaði ásamt Nýherja í dag sýningu á ljósmyndum íslenska Ólympíuliðsins sem tóku þátt í leikunum í Kína í ágúst. Keppendur og aðstoðarfólk þess tóku myndir af því sem fyrir augu þess bar í Peking, þar sem leikarnir voru haldnir. Markmiðið var að fanga þá stemmningu sem var á leikunum og daglegt líf íbúa borgarinnar. Fjölmargir keppendur og aðrir innan Ólympíuhópsins sendu myndir í keppnina, en þær er að finna á vef Nýherja.
Um verðlaunamyndina segir: "Kröftug mynd með flotta en um leið einfalda uppbyggingu. Sjónarhornið er skemmtilegt en um leið blekkjandi. Það tekur skoðandann smá stund að átta sig á því hvort myndin sé tekin úr sundlauginni, upp af bakka eða niður í laugina. Ólympíumerkið á upphandleggnum er síðan punkturinn yfir i-ið, flott staðsett í myndinni.
Ljósmyndasýningin verður opin í Café easy/Kaffiteríu ÍSÍ við Engjaveg 6 fram til áramóta.
Hér fyrir neðan má sjá verðlaunamynd Árna Más.
