Arnar Freyr yfirgefur Keflvíkinga

Arnar Freyr Jónsson  hefur ákveðið að segja skilið við úrvaldsdeildarlið Keflvíkinga í körfubolta. Hann lék með Grindavík síðustu tvö tímabilin en gekk til liðs við Keflvíkinga og stóð til að hann léki með félaginu næstu tvö árin samkvæmt samkomulagi sem undirritað var í vor.

Arnar Freyr heldur til Danmerkur til að leika í deildinni þar. Með honum fer fyrrverandi leikmaður Keflavíkur, Magnús Þór Gunnarsson sem á síðustu leiktíð lék með Njarðvík. Þeir félagar hafa samið við lið Aabyhoj í dönsku deildinni.

Keflvíkingar skoða nú þann möguleika að styrkja liðið fyrir komandi leiktíð. Nokkrir möguleikar eru í stöðunni og munu þau mál skýrast betur bráðlega.