Anthony Glover kominn til Keflavíkur

Anthony Glover hefur gengið til liðs við körfuknattleikslið Keflavíkur. Hann er 25 ára og mikill maður í vexti, 198 cm 105 kíló.

Getur hann leikið stöðu kraftframherja sem og miðherja. Þeir sem þekkja og hafa séð til kappans lýsa honum sem heljarmenni að því er fram kemur á heimasíðu Keflavíkur. Glover kemur frá St-John's háskólanum þar sem hann vavr byrjunarmaður öll árin, eftir skólagöngu hefur hann leikið í Kóreu og  í USBL deildinni.

Glover (t.v.) í leik með St. John´s