Aníta Lóa með sigur á bikarmóti
- hefur tryggt sér þátttöku í A- landsliði Íslands fyrir árið 2014
Um síðustu helgi fór fram Bikarmót í samkvæmisdansi og sigruðu þau Aníta Lóa Hauksdóttir Njarðvíkurmær og dansfélagi hennar Pétur Fannar Gunnarsson frá dansdeild HK í flokki Ungmenna Standard og urðu þau einnig í 2. sæti í flokki fullorðinna.
Pétur og Aníta eru aðeins 15 ára gömul. Pétur og Aníta eru einnig Norður Evrópumeistarar í Standard og Latín dönsum. Þau eru á leiðinni nú í febrúar til Danmerkur þar sem þau munu keppa á Copenhagen Open sem er mjög stór alþjóðleg keppni.
Þau hafa nú þegar tryggt sér þátttöku í A- landsliði Íslands fyrir árið 2014.
