Alexander heim til Njarðvíkur

Alexander Magnússon mun aftur spila með liði Njarðvíkur, en hann gekk til liðs Keflavíkur sumarið 2015. Alexander er uppalinn í Njarðvík og spilaði þar til 2009, en þá fór hann til Grindavíkur. Undanfarin ár hefur hann lítið spilað vegna meiðsla.

Hann spilaði nokkra leiki með Þrótti Vogum síðasta sumar, en hann hefur ekkert spilað þetta sumarið. Hann mun nú klára tímabilið með Njarðvík í 2. deild karla.

Njarðvík er á topp 2. deildar karla með 30 stig. Liðið stefnir að því að spila í Inkasso-deildinni á næsta ári.