Ágúst Kristinn taekwondomaður ársins

Keflvíkingurinn Ágúst Kristinn Eðvarðsson var valinn taekwondomaður ársins af Taekwondosambandi Íslands árið 2015. Hann átti stórgott ár sem var kórónað með frábærum árangri á erlendri grundu þar sem Ágúst vann meðal annars Norðurlandatitil og bronsverðlaun á Evrópumótinu í taekwondo.

Taekwondokona ársins er Ingibjörg Erla Grétarsdóttir frá Selfossi en síðustu ár hefur Ástrós Brynjarsdóttir úr Keflavík hlotið nafnbótina.