Að duga eða drepast fyrir Njarðvík í kvöld!
Njarðvíkingar enn ósigraðir á heimavell í úrslitakeppninni
Fjórði leikur UMFN og KR í undanúrslitum Domino´s deildar karla fer fram í Ljónagryfjunni í kvöld.
Staðan í einvíginu er 2-1 fyrir KR eftir sigur í síðasta leik í sveiflukenndum leik. Njarðvíkingar eru ósigraðir á heimavelli í úrslitakeppninni og ætla sér að halda þeirri staðreynd lifandi í kvöld.
Leikurinn hefst kl. 19:15 og opnar miðasalan í Ljónagryfjunni kl. 18 en fastlega er búist við því að seljast muni upp eins og á síðustu heimaleiki Njarðvíkinga svo það er vísast að mæta tímanlega.
