60 komu á taekwondo æfingu í Vogum
Vinsæl íþrótt á Suðurnesjum.
Jón Levy Guðmundsson og Helgi Rafn Guðmundsson taekwondo þjálfarar fóru í grunnskólann í Vogum á dögunum til að kynna íþróttina. Það er skemmst frá því að segja að kynningarnar gengu vonum framar en yfir 60 iðkendur mættu í kjölfarið að prófa æfingu. Taekwondo kynningar eru mjög vinsælar í skólunum en nú í janúar hafa líka Heiðarskóli og Myllubakkaskóli fengið kynningu. Víkurfréttir fengu sendar meðfylgjandi myndir þar sem krakkarnir stilltu sér upp með þjálfurunum.
