4. flokkur Keflavíkurstúlkna sigraði toppslaginn

Keflavíkurstúlkur í 4. flokki fengu stöllur sínar úr Fram í heimsókn í gær og fór leikurinn fram í Reykjaneshöllinni. Þarna áttust við efstu liðin í B-riðli þar sem bæði lið þurftu helst á sigri að halda.Keflavík byrjaði leikinn á fullum krafti og börðust stelpurnar eins og ljón allann leikinn sem lauk með því að þær sigruðu
2-1.
Nokkur taugaspenna var í báðum liðum til að byrja með en fljótlega náðu heimastúlkur góðum tökum á leiknum og skoraði Eva glæsilegt mark beint úr aukaspyrnu, var staðan þannig í hálfleik. Í seinni hálfleik mistu stelpurnar nokkuð dampinn og gestirnir komust meira inn í leikinn. Um miðjan seinni hálfleik fékk Keflavík aukaspyrnu vel fyrir utan teig og skoraði Eva aftur. Undir lokin þyngdist sókn gestana og bar það loks árangur með marki.
Úrslit leiksins urðu 2-1 fyrir Keflavík.