200 manns á boxkvöldi í gömlu sundhöllinni í Keflavík

Hátt í 200 manns sóttu boxkvöld var haldið í gömlu sundhöllinni Keflavík sl. helgi. Mótið er fyrsta af mörgum sem Hnefaleikafélag Reykjaness kemur til með að halda, en ásamt Suðurnesjamönnum voru boxarar frá hnefaleikafélögum í Kópavogi, Hafnafirði, Reykjavík og frá Akranesi.

Alls fóru fimm Suðurnesjamenn í hringinn og fengu allir mikið lof fyrir frammistöðu sína. Arnar Þorsteinsson þótti standa mikið upp úr, en hann kom, sá og sigraði í sinni viðureign gegn þrautmiklum Róbert Bryde úr HFK.

Einnig þótti færni Tómasar Ólafssonar afar góð, þótt hann bæri ekki sigur úr býtum að þessu sinni í tæknilegri baráttu sinni undir lok kvölds. Margrét Guðrún Svavarsdóttir, ein skærasta og færasta hnefaleikakona landsins, fékk ekki bardaga að þessu sinni en steig þó upp í hringinn til að veita verðlaun fyrir boxara kvöldsins.

Margar stjörnur komu að úr bardagaheiminum en Gunnar Kolbeinn Kristinsson, atvinnuboxari landsins, var viðstaddur og Skúli Steinn Vilbergsson fór einnig á kostum sem kynnir.

Í lok kvöldsins var tilkynnt öllum til mikillar ánægju að lög AIBA um keppnir án höfuðhlífa hafa loks farið í gegn hér á landinu. Framvegis keppa allir yfir 19 ára í karlaflokki án höfuðbúnaðar og í stærri hönskum en áður hefur verið. Íþrótta- og Ólympíusamband Íslands hefur dregið þessa ákvörðun á langinn en framvegis verður þessi íþrótt komin til að vera og skal því standast alþjóðlegar kröfur.

Fleiri myndir frá mótinu má sjá hér.