2.deild Reynir: Elvar Grétarsson tekinn við þjálfun
Sandgerðingurinn Elvar Grétarsson hefur tekið við þjálfun meistaraflokks karla. Fyrsta verkefnið undir hans stjórn er útileikur 9.ágúst á móti Magna Grenivík.
Elvar þjálfaði meistaraflokk Reynis 2001 og 2002 og hefur verið yfirþjálfari sameiginlegra yngri flokka hjá Reyni og Víði, þjálfað karlalið M.fl. Víðis og M.fl. GRV og Hauka í kvennaflokki.
Breyttur leikmannahópur
Leikmannahópur Reynis er töluvert breyttur í seinni hluta móts. Grindvíkingarnir Alexander Hafþórsson, Páll Guðmundsson og Þorfinnur Gunnlaugsson eru gengnir til liðs við Reyni.
Varnarmaðurinn Guðni Páll Viktorsson hefur yfirgefið Reyni og gengið til liðs við BÍ/Bolungarvík.
Sandgerðingurinn Sigurður Bjarni Sigurðsson, markvörður, skipti á ný til Reynis eftir dvöl hjá liði Vals í Reykjavík.
Sigurður Bjarni er nokkuð reyndur markvörður sem auk hefur verið í Reyni, Keflavík, Grindavík, Njarðvík og Val.
