Vogar styrkja barnakórinn

Sveitarfélagið Vogar samþykkti á fundi sínum í síðustu viku að greiða laun stjórnanda barnakórs Kálfatjarnarkirkju fram á vor. Kórinn var stofnaður síðasta haust og rekinn með framlagi frá sveitarfélaginu Vogum fram að áramótum. Viðbótarframlagið sem samþykkt var á dögunum gerir kórnum kleyft að starfa fram á vor.

 

Að sögn Kjartans Jónssonar, sóknarprests í Tjarnarprestakalli, er mikil og almenn ánægja með kórinn. „Kórinn er kominn til að vera,“ segir hann.

 

Í kórnum eru 20 börn og hafa þau komið fram nokkrum sinnum. Næst mun kórinn syngja í messu á æskulýðsdegi kirkjunnar 6. mars klukkan 14:00. Fyrirhuguð er tónlistarhelgistund að kvöldlagi með vorinu þar sem kórinn mun syngja ásamt kirkjukórnum. Stjórnandi kórsins er Elísabet Þórðardóttir, organisti Kálfatjarnarkirkju.