Vogar eignast íþróttamiðstöð og sundlaug
Kaupir eignirnar aftur af Fasteign
Um þessar mundir er unnið að frágangi kaupa sveitarfélagsins Voga á fasteignum sem fram til þessa hafa verið í eigu Eignarhaldsfélagsins Fasteignar (EFF). Í lok mánaðar verður því ferli sem hófst á síðasta ári lokið með því að sveitarfélagið eignast að nýju íþróttamiðstöð, sundlaug og félagsmiðstöð. Nýtt lán verður tekið hjá Lánasjóði sveitarfélaga, að fjárhæð 400 m.kr., til 15 ára. Heildarkaupverð fasteignanna eru tæpar 500 m.kr.
