Vitahjónin fengu viðurkenningu
– fyrir stuðning við ferðaþjónustu og menningarmál í Sandgerði
Atvinnu- ferða- og menningarráð Sandgerðis samþykkti á dögunum að leggja til við bæjarstjórn Sandgerðis að einstaklingi verði veitt viðurkenning á Sandgerðisdögum fyrir stuðning við ferðaþjónustu og menningarmál í Sandgerðisbæ.
Bæjarráð Sandgerðis samþykkti að veita þeim Stefáni Sigurðssyni og Brynhildi Kristjánsdóttur eigendum veitingahússins Vitans viðurkenningu fyrir áralangan stuðning við ferðaþjónustu og menningarmál í Sandgerðisbæ. Var viðurkenningin veitt á setningarhátíð Sandgerðisdaga nú nýverið.
