Vinsælast 2012: Leoncie segir öryggisvörð úr Sandgerði hafa áreitt sig
Indverska prinsessan Leoncie sagði farir sínar ekki sléttar eftir að hafa heimsótt Ísland í byrjun ársins 2012. Leoncie hélt tónleika á Gauki á stöng sem vöktu mikla lukku en þegar að hún hugðist fara af landi brott þá seagðist prinsessan ekki hafa fengið blíðar móttökur hjá öryggisgæslunni í Flugstöð Leifs Eiríkssonar. Svo hljóðar fjórða vinsælasta frétt ársins á vf.is þetta árið.
Leoncie sendi Víkurfréttum póst þar sem hún lýsir því hvernig kona sem starfar í öryggisgæslunni hafi áreitt hana og niðurlægt þegar hún fór í gegnum reglubundna skoðun. „Hún áreitti mig. Hún þuklaði á brjóstum mínum og á milli fóta mér, guð minn góður, aldrei hefur verið komið svona fram við mig áður,“ sagði Leoncie í bréfinu.
Leoncie gengur svo langt að kalla konuna kynþáttahatara og geðsjúkling, og að þarna hafi hún fengið tækifæri til þess að níðast á sér. Heldur hefði Leoncie kosið að fá íslenskan herramann í stað kvenkynsöryggisvarðar til að snerta sig.
