Vinna hafin á ný við pípulagnir í Grindavík

Á fjórða tug pípulagningamanna er kominn til Grindavíkur. Þeir hafa hafið störf. Viðbragðsaðilar hafa eftirlit með pípulagningamönnunum og tryggja öryggi á vettvangi.

Ekki var hægt að vinna við lagnir í gær þar sem mikið hafði snjóað í bænum og ekki talið öruggt að fara um götur. Gærdeginum var því varið í snjómokstur.

Nú er Grindavík fær og því haldið áfram þar sem frá var horfið við að koma hita á hús.