Víkurfréttir mættar á höfuðborgarsvæðið fyrir Grindvíkinga

Grindvíkingar búsettir á höfuðborgarsvæðinu, hafa óskað eftir að fá Víkurfréttir á höfuðborgarsvæðið og mætti fyrsta sendingin í dag í sundlaugina í Versölum í Kópavogi.

Gerð var nett skoðanakönnun á Facebook-síðu Víkurfrétta á dögunum og kom nafn Salalaugarinnar í Kópavogi oft fram og þess vegna varð hún fyrir valinu í dag. Stefnan er sett á að dreifa blaðinu í völdum Nettóbúðum líka, heyrst hefur að Grindvíkingar sæki Nettóbúðina úti á Granda vel, hver veit nema hægt verði að grípa Víkurfréttir þaðan í næstu viku!