Viðskiptavinir Varðar í Grindavík greiða ekki fyrir tryggingar sínar í desember

Viðskiptavinir Varðar í Grindavík greiða ekki fyrir tryggingar sínar í desember. Þetta kemur fram í tilkynningu frá tryggingafélaginu.

„Eins og hjá öllum landsmönnum er hugur okkar hjá Grindvíkingum og þess vegna höfum við hjá Verði ákveðið að fella niður iðgjöld í desember til allra viðskiptavina okkar í Grindavík.

Með þessu vonumst við til að létta undir með fyrirtækjum og þeim fjölskyldum sem hafa flúið heimili sín svo þau þurfi ekki að hafa áhyggjur af kostnaði vegna trygginga á næsta gjalddaga,“ segir í tilkynningu Varðar.