Vélhjólaslys í Sandgerði

Vélhjólaslys varð í Sandgerði seint í gærkvöldi, þegar vélhjóli var ekið aftan á fólksbíl. Fólksbíllinn var á stöðvunarskyldu er óhappið varð og mótorhjólið hafði einnig hægt á annars rólegri ferð. Engan sakaði í fólksbílnum.

Að sögn lögreglunnar á Suðurnesjum slapp ökumaður vélhjólsins með lítilsháttar meiðsl og var með fulla meðvitund þegar lögreglu og sjúkralið bar að garði. Hann var fluttur til skoðunar á Heilbrigðisstofnun Suðurnesja.