Vel sótt kynning hjá Lundi í Íþróttaakademíunni

Mjög góð mæting var á opinn kynningardag sem Lundur hélt í dag, sumardaginn fyrsta í Íþróttaakademíunni. Þar var starfsemi Lundar kynnt, en Erlingur Jónsson og hans fólk hafa stimplað sig rækilega inn í forvarnarmálum hér á Suðurnesjum sem og víðar.

Dagskráin hófst með söng Kærleikskórsins, en innan hans eru margir skjólstæðingar Lundar og fleiri sem hafa snúið baki við vímuefnaneyslu. Sigríður Björnsdóttir sagði reynslusögu sína af misnotkun áfengis og vímuefna. Þá var myndlistar- og ljósmyndasýning og léttar veitingar voru í boði.

Meðfylgjandi myndir voru teknar í fyrirlestrarsal Íþróttaakademíunnar, þar sem starfsemi Lundar var kynnt fyrir gestum og gangandi.

Heimasíða Lundar er www.lundur.net