Vel heppnuð hugmyndasmiðja um gamla bæinn
-Um 50 manns ræddu um málefni gamla bæjarins í Grindavík
Hugmyndasmiðja um Gamla bæinn í Grindavík var haldin í Hópsskóla síðastliðinn laugardag. Hátt í 50 manns mættu í hugmyndasmiðjuna þar sem var opin umræða um hvernig hægt er að auka veg og virðingu elsta hluta Grindavíkur. Margar frábærar hugmyndir litu dagsins ljós sem nýttar verðar í vinnu um nýtt deiliskipulag fyrir gamla bæinn.
Sturla Bjöðvarsson, fyrrverandi ráðherra og alþingismaður og bæjarstjóri í Stykkishólmi, kynnti skipulag og endurgerð gömlu húsanna í Stykkishólmi. Þótti vel til takast með skipulagið í Stykkishólmi á sínum tíma.
Í hugmyndasmiðjunni var fundargestum skipt niður á borð. Meðal spurninga sem lagðar voru fyrir voru hvar liggur gamli bærinn í Grindavík og hvernig vilja bæjarbúar sjá gamla bæinn? Þá var spurt um helstu styrkleika og veikleika svæðisins. Í lok fundar voru svo niðurstöður á hverju borði fyrir sig kynntar.
Sturla Böðvarsson, fyrrum alþingsmaður og samgönguráðherra, fræddi Grindvíkinga um uppbyggingu gamla bæjarins í Stykkishólmi sem þótti takast vel.
