Vegriðið fjarlægt

Iðnaðarmenn fjarlægðu í morgun vegrið það sem verið hefur ökumönnum þyrnir í augum síðustu ár á horni Hjallavegar og Njarðarbrautar í Njarðvík. Að sögn Viðars Más Aðalsteinssonar, framkvæmdastjóra umhverfis- og skipulagssviðs Reykjanesbæjar, er þetta hluti af andlitslyftingu Njarðarbrautar en reikna má með að þetta horn verði snyrt með trjágróðri og blómum við hækkandi sól.