Varnarmálastofnun að vígbúast?

Börnunum í Háaleitisskóla í Reykjanesbæ er ekki ætlað að fara yfir girðinguna við skólann sem skilur að skólalóðina og öryggissvæði Varnarmálastofnunar Íslands á Ásbrú.

Verktakar unnu við það nú áðan að setja upp gaddavírsgirðingu sem á sér vart hliðstæðu á Íslandi en hefur sést í myndum frá fangabúðum Bandaríkjahers á Guantanamo á Kúbu.

Starfsmenn verktakans sem setur upp girðinguna sögðu að það færi enginn yfir þessa girðingu nema fuglinn fljúgandi.

Eins og sjá má á meðfylgjandi myndum er gaddavírsgirðingin ekki árennileg og ljóst að hvorki skólabörn eða aðrir fara yfir þessa girðingu.

Víkurfréttamyndir: Hilmar Bragi Bárðarson