Varnarliðsmaður fannst liggjandi í blóði sínu

Varnarliðsmaður fannst liggjandi í blóði sínu fyrir utan heimili í Keflavík snemma á sunnudagsmorgun. Var maðurinn með áverka í andliti og var hann fluttur með sjúkrabifreið á Heilbrigðisstofnun Suðurnesja. Þurfti að sauma manninn fimm spor í andlitið.
Sökum ölvunar mundi varnarliðsmaðurinn ekki hvað hefði gerst. Hann mun hafa verið í gleðskap í húsi stutt frá þar sem hann lá en verið vísað þaðan út. Tók maðurinn brottvísunina óstinnt upp og sparkaði hann í hurð og braut rúðu í kjölfarið. Gestir hlupu þá út á eftir manninum og slógu eða spörkuðu í hann.