Vann 70.000 kr. í skrúfuleik BYKO

Ragnar Guðleifsson hafði heppnina með sér í skemmtilegum leik í BYKO í Reykjanesbæ á dögunum. Settur var upp plastkassi og spurt hversu margar skrúfur væru í kassanum. Sá sem væri næstur réttum fjölda myndi hljóta gjafakörfu frá BYKO að andvirði 70.000 kr.

Skrúfurnar voru samtals 527 og Ragnar var næstur þeirri tölu en hann vantaði aðeins 9 skrúfur upp á að hitta á réttu töluna. Á meðfylgjandi mynd tekur hann við vinningnum úr hendi Þórarins Péturssonar, deildarstjóra BYKO á Suðurnesjum.

BYKO fagnar 50 ára afmæli á þessu ári og í tilefni af afmælinu verður afmælisleikur allt árið þar sem í boði verða 200.000 króna vinningar í hverjum mánuði og þá mun BYKO ánafna örðu eins til góðgerðarmála. Þeir sem versla í BYKO og eru í BYKO-klúbbnum geta tekið þátt í leiknum.