Útlit fjölbýlishúsa við Framnesveg yfirþyrmandi

„Tillagan er ekki í neinu samræmi við nýlega samþykkt deiliskipulag svæðisins, byggingamagn of mikið og útlit yfirþyrmandi,“ segir í niðurstöðu umhverfis- og skipulagsráðs Reykjanesbæjar við deiliskipulagsbreytingu sem Vatnsnessteinn ehf. lagði fram varðandi Framnesveg 11 í Reykjanesbæ.

Tillögunni var hafnað.
 

Breyting frá fyrra skipulagi felst aðallega í stækkun svæðis þar sem lóðirnar Básvegur 11 og Framnesvegur 9 eru teknar með. Skólavegs tenging við Ægisgötu færist á norðurhluta Framnesvegs 9 og byggðar verða 6 fimm hæða húseiningar með 114 íbúðum í stað 4 húseininga með 68 íbúðum.