Úthlutun hjá Fjölskylduhjálp í Reykjanesbæ í dag
Úthlutað verður matargjöfum hjá Fjölskylduhjálp Íslands í Reykjanesbæ í dag. Úthlutun er á milli kl. 13 og 16.
Anna Jónsdóttir, verkefnastjóri Fjölskylduhjálpar Íslands á Suðurnesjum, segir neyðina mikla en fjölmargir hafi verið í sambandi og spurst fyrir um hvort úthlutað verði fyrir áramótin.
Á sjöunda hundrað fjölskyldur fengu aðstoð hjá Fjölskylduhjálpinni á Suðurnesjum fyrir jólin.
