Útafakstur og bílvelta

Ökumenn lentu í talsverður erfiðleikum í gærmorgun, að sögn lögreglu, er fyrsti snjórinn féll á Suðurnesjum.  Bílvelta varð á Grindavíkurveginum um morguninn og tveir ökumenn misstu bíla sína útaf Reykjanesbrautinni.  Engin slys urðu á fólki en bifreiðin, sem valt á Grindavíkurveginum var mikið skemmd og var fjarlægð af vettvangi með kranabifreið.

Einn ökumaður var tekinn grunaður um ölvun við akstur á Grindavíkurveginum í gærmorgun.  Hann var fluttur á lögreglustöðina við Hringbraut, þar sem hann var látinn taka öndunarsýnispróf. Í framhaldinu var hann sviptur ökuréttindum.