Útafakstur á Tjarnabraut

Umferðaróhapp varð á Tjarnabraut í Reykjanesbæ í dag þar sem ökumaður virðist hafa misst stjórn á bifreið sinni er hann beygði út úr hringtorginu við Víkingabraut.

Snerist hún og lenti á steypumótum sem lágu á byggingarlóð við götuna.

Ökumaður var einn í bílnum og sakaði ekki.

Málið var enn í rannsókn hjá lögreglu þegar Víkurfréttir höfðu samband nú síðdegis.

VF-mynd/Þorgils