Út í móa

Ökuferðinni lauk útí móa hjá ungum manni sem átti leið um Vatnsleysuströndina í dag. Hann slasaðist ekki alvarlega.Að eigin sögn ók ungi maðurinn bifreiðinni á 80 km hraða eftir Vatnsleysustrandarveginum en fór út af þegar hann reyndi að komast hjá árekstri við bifreið sem kom úr gagnstæðri átt, sem ók á öfugum vegarhelmingi. Talið er að öryggisbelti og líknarbelgur hafi komið í veg fyrir alvarleg meiðsl ökumanns.