Úr axlarlið í fótboltaleik

Lögreglan á Suðurnesjum var í gærdag kvödd í Reykjaneshöllina vegna íþróttaslyss sem þar hafði orðið. Þar hafði stúlka lent í samstuði við annan leikmann í fótboltaleik. Hún var flutt með sjúkrabifreið á Heilbrigðisstofnun Suðurnesja til skoðunar. Í ljós kom að hún hafði farið úr axlarlið við höggið.

Uppfært: Stúlkan mun hafa viðbeinsbrotnað en ekki farið úr axlarlið.