Uppselt í Bláa lónið til 5. janúar
Uppbókað er í Bláa lóninu næstu daga, eða alveg þangað til það lokar 5. janúar vegna breytinga. Þetta kemur fram á mbl.is.
Þórdís Pétursdóttir, upplýsingafulltrúi hjá Upplýsingamiðstöð ferðamanna, segir lónið venjulega ekki uppbókað alla daga á öllum tímum dagsins en núna hefur verið setið um hvern einasta tíma. Telur hún líklegt að fólk vilji fara þangað ofan í áður en það lokar.
Eins og áður segir verður Bláa lóninu lokað þann 5. janúar vegna breytinga en stækka á baðlónið og gera ýmsar breytingar á baðsvæðinu. Það opnar svo aftur 22. janúar eftir að endurbætur.
