Undirbúa göngustíg milli Garðs og Sandgerðis

Skipulags- og umhverfissviði Suðurnesjabæjar hefur verið falið að undirbúa útboð og grenndarkynningu vegna framkvæmdar á göngustíg á milli Garðs og Sandgerðis.

Málið var til meðferðar framkvæmda- og skipulagsráðs sveitarfélagsins í lok ágúst og tekið fyrir í bæjarstjórn Suðurnesjabæjar þann 6. september. Þar var afgreiðsla framkvæmda- og skipulagsráðs samþykkt samhljóða.