Undir áhrifum fíkniefna á 141 km hraða

Ökumaður sem mældist á 141 km hraða á Reykjanesbraut um helgina hafði aldrei öðlast ökuréttindi. Í tilkynningu frá Lögreglunni á Suðurnesjum segir að auk þess hafi hann verið grunaður um akstur undir áhrifum fíkniefna. Hann var handtekinn og færður á lögreglustöð.

Annar ökumaður viðurkenndi akstur án ökuréttinda. Hann var jafnframt grunaður um fíkniefnaakstur og á tveimur stöðum í bifreið hans fundust meint fíkniefni.