Umferðaróhöpp um helgina
Fjórir virtu ekki stöðvunarskyldu.
Tvær bifreiðir skullu saman á Grindavíkurvegi í gærmorgun. Ökumenn voru báðir í öryggisbeltum og sakaði þá ekki.
Þá var lögreglan á Suðurnesjum kölluð út um helgina vegna umferðaróhapps við Krossmóa. Þar hafði bifreið verið ekið inn í hlið annarrar bifreiðar. Engin slys urðu á fólki.
Loks voru fjórir ökumenn staðnir að því að virða ekki stöðvunarskyldu. Einn þeirra var ekki með ökuskírteini meðferðis og ökuréttindi annars voru fallin úr gildi.
