Umferðaróhöpp á Reykjanesbrautinni

Umferðaróhapp varð á Reykjanesbraut á Strandarheiði í gærmorgun, þar sem ökumaður jeppabifreiðar missti vald á henni vegna hálku á veginum.  Tveir aðilar í bifreiðinni og sakaði þá ekki.  Fjarlægja varð bifreiðina með dráttarbifreið af vettvangi.

Þá varð bílvelta  á Reykjanesbrautinni rétt austan við Vogaveg í gær er ökumaður jeppabifreiðar missti stjórn á henni á hálkubletti.  Við óhappið lenti bifreiðin utna vegar og hafnaði á toppnum.  Ökumaður, sem var einn í bifreiðinni var fluttur með sjúkrabifreið á Heilbrigðisstofnun Suðurnesja til skoðunar.  Hann reyndist  lítið meiddur og fékk að fara heim að lokinni skoðun.  Bifreiðin skemmdist talsvert og var fjarlægð af vettvangi með kranabifreið.