Umferðaróhapp á Garðvegi

Þrír ökumenn voru kærðir fyrir hraðakstur í gær umdæmi lögreglunnar í Keflavík.  Sá sem hraðast fór var mældur á 119 km á Reykjanesbraut á vegarkafla þar sem hámarkshraði er 70 km.  Tveir ökumenn voru kærðir fyrir að tala í farsíma við aksturinn án þess að nota handfrjálsan búnað.
Næturvaktin var fremur róleg, að sögn lögreglu,  en eitt umferðarslys var á Garðvegi um kl. 19:30. Ökumaður slapp án teljandi meiðsla en bifreiðin er talin ónýt.