Umfangsmikil leit að Birnu á morgun

Óskað hefur verið eftir mannskap frá björgunarsveitum um allt land í umfangsmikla leit að Birnu Brjánsdóttur á morgun, laugardag. Allar björgunarsveitir á Suðurnesjum hafa fengið boð um að senda af stað leitarhópa í fyrramálið.

 

Um verður að ræða eina stærstu leit sem farið hefur fram á Íslandi í áraraðir. Síðustu daga hefur verið lögð aukin áhersla á leit hér suður með sjó og hafa sérhæfðir leitarflokkar leitað á Strandarheiði og að Keili. Einnig hefur þyrla Landhelgisgæslunnar verið við leit á svæðinu. Þá var einnig flogið suður að Höskuldarvöllum og Keili.

 

Lög­regl­an ít­rek­ar bón sína um að all­ir öku­menn sem búa yfir mynd­efni á tíma­bil­inu 7:00 -11.30 að morgni síðasta laug­ar­dags, hafi sam­band. Óskað er eft­ir mynd­efni sem sýn­ir rauðan smá­bíl af gerðinni Kia Rio af stór­um hluta suðvest­an­lands; á Reykja­nesi, Suður­landi, að Sel­fossi, og Vest­ur­landi, upp í Borg­ar­fjörð.