Umboðsmaður skuldara opnar útibú í Reykjanesbæ

Umboðsmaður skuldara mun innan skamms opna útibú í Reykjanesbæ. Verður starfsstöðin á skrifstofu Sýslumannsins í Keflavík við Vatnsnesveg. Svanborg Sigmarsdóttir hjá kynningarsviði Umboðsmanns skuldara, sagði vandamálið vera stórt á Suðurnesjum og því hafi verið ákveðið að staðsetja fulltrúa á svæðinu. Þess vegna hefur verið auglýst ftir lögfræðingi til að starfa á nýrri starfstöð í Reykjanesbæ. Umsóknarfrestur er til 8. nóvember nk.

Meðal verkefna eru lögfræðiráðgjöf til einstaklinga í skuldavanda, umsjón með greiðsluaðlögun, úrvinnsla erinda, samningagerð og eftirfylgni verkefna þeirra sem umboðsmaður skuldara ber ábyrgð á.

Svanborg sagði að fljótlega eftir að umsóknarfrestur rennur út verði ráðið í stöðuna, enda verkefið brýnt á Suðurnesjum. Fyrst um sinn verður starfsmaðurinn einn en staðan verði fljótlega metin og þá bætt við starfsfólki ef þörfin reynist vera þannig.