Tvíbrotnaði á fæti

Ungur drengur tvíbrotnaði á fæti eftir að hann hljóp á bifreið á Grænásbraut á Ásbrú í Reykjanesbæ skömmu eftir hádegi. Drengurinn var að koma úr strætisvagni og hljóp aftur fyrir vagninn og í hlið bifreiðar sem ekið var þar hjá.

Sjúkralið og lögregla voru kölluð til. Drengurinn var fluttur á Landspítala í Fossvogi þar sem gert var að meiðslum hans.

Sjá Brunavörnum Suðurnesja fengust þær upplýsingar að mikið annríki hafi verið í sjúkraflutningum í dag. Nú kl. 16 voru útköllin orðin níu frá því dagvaktin mætti til starfa í dag og um tíma voru þrjár sjúkrabifreiðar í verkefnum samtímis og sú fjórða á verkstæði.

Útköllin í dag hafa verið fjölbreytileg en flest vegna veikinda.