Tveir ökuníðingar staðnir að verki

Tveir ökumenn voru teknir fyrir of hraðan akstur í umdæmi lögreglunnar á Suðurnesjum í nótt.

Annar var nappaður á Sandgerðisvegi þar sem hann var á 136 km hraða á klst. þar sem löglegur hámarkshraði er 90, en þegar betur var að gáð reyndist hann einnig hafa verið sviptur ökuréttindum ævilangt og eins var bíllinn enn á nagladekkjum.

Síðar um nóttina var ökumaður tekinn á ofsahraða á Reykjanesbraut. Mældist hann á 176 km hraða á klst og þarf vart að taka fram að fyrir þessa vítaverðu hegðun var maðurinn færður á lögreglustöð og sviptur ökuréttindum til bráðabirgða.