Tveir handteknir með fíkniefni

Lögreglan á Suðurnesjum handtók um helgina tvo karlmenn sem báðir reyndust vera með fíkniefni í vörslum sínum. Við húsleit heima hjá öðrum þeirra í Reykjanesbæ fannst amfetamín á hillu í herbergi. Úr húsnæði hins mannsins, sem handtekinn var, barst megn kannabislykt, þegar lögreglumenn bar að garði. Þar inni fannst nokkurt magn af kannabisefnum.