Tveir handteknir fyrir akstur undir áhrifum fíkniefna

Lögreglan á Suðurnesjum handtók í vikunni tvo ökumenn vegna gruns um akstur undir áhrifum fíkniefna. Í tilkynningu frá Lögreglunni á Suðurnesjum segir að farþegi í öðrum bílnum hafi verið með fíkniefni í sígarettupakka, sem hann bar á sér. Hann var einnig handtekinn og færður ásamt ökumönnunum tveimur á lögreglustöð.

Þá voru sex ökumenn kærðir fyrir of hraðan akstur. Sá sem hraðast ók mældist á 121 km hraða þar sem hámarkshraði er 90 km á klukkustund.