Tveir bílar ónýtir eftir árekstur

Harður árekstur varð í gær um klukkan hálf tvö á Sandgerðisvegi þegar jepplingur og fólksbíll rákust saman. Tveir voru fluttir á sjúkrahús en reyndust ekki mikið slasaðir. Bílarnir er hins vegar taldir ónýtir.
Skömmu seinna missti ökumaður bíl sinn út af Grindavíkurvegi en sakaði ekki. Eitthvað var um smávægileg umferðaróhöpp á Suðurnesjum í gær vegna ofankomu og hálku en færð spilltist nokkuð um tíma.