Tveir bílar brunnu

Slökkvilið Grindavíkur var kallað út í nótt vegna elds í bíl við Vörðusund þar í bæ. Þegar slökkvilið kom á vettvang var mikill eldur og logaði glatt í tveimur bílum. Ekki mátti miklu muna að eldurinn læsti sig í þriðja bílinn og vinnuskúra sem bílarnir stóðu við.
Eldsuppstök eru ókunn en lögregla rannsakar málið, samkvæmt tilkynningu á vef slökkviliðsins.