Tveggja ára skilorð fyrir frelsissviptingu

Hæstiréttur hefur dæmt Keflvíking á fimmtugsaldi í 3ja mánaða fangelsi vegna ólögmætrar borgaralegrar handtöku. Í byrjun árs 2007 færði hann 15 ára dreng nauðugan á lögreglustöðina í Keflavík  eftir að flugeldi var skotið inn í garð við heimili mannsins í Vatnsholti.

Dómurinn er skilorðsbundinn til tveggja ára. Þá er maðurinn dæmdur til að greiða drengnum tæpar 240 þúsund krónur í bætur með vöxtum. Einnig þarf hann að greiða málsvarnarlaun skipaðs verjenda síns að uppgæð 150 þúsund krónur. Gerð hafði verið miskabótakrafa á hendur manninum að upphæð 615 þúsund krónur.

Drengurinn hafði verið í hópi drengja sem köstuðu flugeldum að húsi mannins, sem brást við með því að veitast að drengnum, færa hann nauðugan í bifreið sína og á lögreglustöðina í Reykjanesbæ.

Í dómsorði var brot drengsins ekki talið nægilega alvarlegt til þess að sakborningi hefði verið heimil borgaraleg handtaka í skilningi laga um meðferð sakamála. Þar segir ennfremur að þótt sakborningi hafi haft réttmæta ástæðu til að veita drengjunum eftirför og veita þeim tiltal, hafi hann farið offari.