Tvær bílveltur og ekið á vegrið

Tvær bílveltur urðu í umdæmi lögreglunnar á Suðurnesjum um helgina. Önnur varð á Reykjanesbraut og hin á Suðurstrandarvegi. Ökumaður fyrrnefndu bifreiðarinnar var réttindalaus. Farþegi í henni var fluttur á Landspítala til frekari skoðunar. Ökumaður síðarnefndu bifreiðarinnar var fluttur á Heilbrigðisstofnun Suðurnesja.

Þá ók ökumaður á vegrið á Reykjanesbraut. Bifreiðin var mikið skemmd.

Tveir ökumenn voru teknir úr umferð vegna fíkniefnaaksturs. Annar ók sviptur ökuréttindum og hinn var með fíkniefni í fórum sínum.

Fáeinir ökumenn voru svo kærðir fyrir of hraðan akstur.