Tuttugu og tveir sóttu um stöðu bæjarstjóra í Grindavík

Umsóknarfrestur um stöðu bæjarstjóra Grindavíkurbæjar rann út síðasta mánudag og sóttu 22 um starfið. Í fundargerð bæjarráðs síðan í fyrradag, 13. desember, kemur fram að ráðið vinni málið áfram. Ekki er búið að gera opinbert hverjir umsækjendurnir eru. Róbert Ragnarsson, fráfarandi bæjarstjóri mun sinna starfinu til 31. janúar næstkomandi.