Tíu teknir fyrir hraðakstur

Tíu ökumenn voru í gær kærðir fyrir of hraðan akstur  í umdæmi Suðurnesjalögreglunnar og mældist sá er hraðast ók á 116 km/klst þar sem leyfilegur hámarkshraði er 90 km/klst.Tveir ökumenn voru kærðir fyrir að vera ekki með ökuskírteini við akstur.

Tugir ökumanna eru teknir í viku hverri fyrir hraðaakstur í umdæmi Suðurnesjalögreglunnar og daglega eru birtar slíkar fréttir í fjölmiðlum. Samt er eins og sumir láti sér ekki segjast.

Laust eftir klukkan 20.00 var tilkynnt um sinubruna við Litla-Hólm sem er eyðibýli norðan við golfhúsið í Leiru. Greiðlega gekk að slökkva eldinn, sem var minniháttar og urðu engar skemmdir af hans völdum.