Tillaga um hringtorg á Hafnargötu samþykkt á bæjarráðsfundi

Nú geta íbúar við Hafnargötu í Keflavík byrjað að kætast því bæjarráð Reykjanesbæjar samþykkti tillögu Viðars Más Aðalsteinssonar, forstöðumanns umhverfis- og tæknisviðs, um hringtorg við gatnamót Hafnargötu og Víkurbraut, ásamt tengdum framkvæmdum á gatnamótum Víkurbrautar og Bryggjuvegar á fundi sínum í gær.

Eins og fram hefur komið í fréttum eru íbúar við Hafnargötu orðnir verulega þreyttir á hávaðamengun og glannaakstri um götuna og hafa til að mynda sent bæjarstjóra undirskriftalista þess efnis að eitthvað verði gert í málinu sem nú hefur verið gert með þessari samþykkt.
Heildarkostnaður er talinn vera um sex milljónir og var því vísað til endurskoðunar fjárhagsáætlunar 2002.